marwan khaled
بدأت رحلتي في المونتاج من حبي لتحويل اللقطات العادية لحكاية بصرية ليها تأثير، ومع مرور الوقت اتحول الشغف ده لمهنة، فبقيت متخصص في مونتاج محتوى الـ Reels والفيديوهات القصيرة للبراندات، بخبرة عملية حوالي سنتين.
شغلي الأساسي إني آخد المواد الخام - سواء تصوير منتج أو تصوير ميداني - وأحولها لمحتوى جاهز للنشر بيخدم هوية العميل البصرية بدقة، من غير ما أفرض ستايل شخصي على حساب هوية البراند. بستخدم Adobe Premiere Pro وAfter Effects بشكل أساسي، وبلجأ لأدوات الذكاء الاصطناعي في توليد الفيديو (زي Kling وRunway) لما المواد الخام متكونش كافية.
من أهم الحاجات اللي بحرص عليها في شغلي إني أفهم الهدف التسويقي للفيديو قبل ما أبدأ المونتاج - يعني مش بس "أظبط اللقطات" لكن أفكر إيه اللي هيخلي المشاهد يوقف عند الفيديو ده تحديدًا. من أعمالي اللي فخور بيها تصميم الهوية البصرية الكاملة لفعالية B2B Sales Approach في The Greek Campus.
بحب أشتغل مع عملاء عندهم رؤية واضحة لبراندهم، وبكون سعيد إني أكون جزء من إنهم يوصلوا بالرسالة دي للجمهور المناسب.
لا توجد عناصر منشورة في معرض الأعمال بعد.
لا توجد تقييمات منشورة بعد.